ടിന്റുമോന്റെ സ്കൂള്‍ ഒരു ദിവസം അമേരിക്കന്‍ പ്രസിഡന്റ് സന്ദര്‍ശിക്കുമെന്ന് അറിയിച്ചു.
പക്ഷേ, വന്നത് മുന്‍ പ്രസിഡന്റ് ബുഷായിരുന്നു.
ബുഷ് പ്രസംഗിച്ചു.
അതിനു ശേഷം അദ്ദേഹത്തോട് എന്തെങ്കിലും ചോദിക്കണമെങ്കില്‍ ചോദിക്കാമെന്നറിയിച്ചു.
അതുകേട്ട് ടിന്റുമോന്റെ കൂട്ടുകാരന്‍ അശോക്മോന്‍ എഴുന്നേറ്റു;
"എനിക്ക് രണ്ട് കാര്യങ്ങള്‍ ചോദിക്കുവാനുണ്ട്.
എന്റെ ഒന്നാമത്തെ ചോദ്യം, ബരാക്ക് ഒബാമ എവിടെ?
എന്റെ രണ്ടാമത്തെ ചോദ്യം, നിങ്ങള്‍ എന്തിനാണ് ഇറാക്ക് ആക്രമിച്ചത്?"
പെട്ടെന്ന് മണിമുഴങ്ങി.
ഇന്റെര്‍വെല്‍ ആണെന്ന് അറിയിപ്പുണ്ടായി.
ഇന്റെര്‍വെല്ലിനു ശേഷം വീണ്ടും ചോദ്യം ചോദിക്കാമെന്നറിയിച്ചു.
ഇപ്രാവശ്യം ടിന്റുമോന് എഴുന്നേറ്റു;
"എനിക്ക് മൂന്ന് കാര്യങ്ങള്‍ ചോദിക്കുവാനുണ്ട്.
എന്റെ ഒന്നാമത്തെ ചോദ്യം, ബരാക്ക് ഒബാമ എവിടെ?
എന്റെ രണ്ടാമത്തെ ചോദ്യം, നിങ്ങള്‍ എന്തിനാണ് ഇറാക്ക് ആക്രമിച്ചത്?
എന്റെ മൂന്നാമത്തെ ചോദ്യം, അശോക്മോന്‍ എവിടെ?"
0 അഭിപ്രായങ്ങള്‍ - ഇവിടെ അഭിപ്രായമറിയിക്കുക:
Post a Comment